Birləşmiş Millətlər Təşkilatı (BMT) İrqi Ayrı-Seçkiliyin Ləğv Edilməsi (CERD) komitəsi, rəsmi Tel-Əvivin etirazlarına baxmayaraq Fələstinin İsrail əleyhində iddiasını səs çoxluğu ilə qəbul edib.
Bu barədə Fələstinin Xarici İşlər Nazirliyi bəyanat yayıb. Bəyanatda bildirilib ki, şikayət, “İrqi ayrı-seçkiliyin bütün formalarının ləğv edilməsi haqqında Beynəlxalq Konvensiya” qərarlarının İsrail tərəfindən sistemli pozulmağı və fələstinlilərə qarşı aparılan irqçi siyasət barədədir.
Komitənin qərarında, İsrailin Fələstin xalqına qarşı irqi ayrı-seçkiliyinin müzakirə olunması və ləğv edilməsi labüd olan bir siyasət olduğu nəticəsinin hasil olduğu bildirilir.
Həmçinin Fələstin XİN-in bəyanatında, Fələstin xalqına qarşı istiqamətlənmiş hər cür irqi ayrı-seçkiliyin aradan qaldırılmağı üçün beynəlxalq ictimaiyyətə öhdəliklərini yerinə yetirmələri üçün çağırış edilib.
Qeyd edək ki, Fələstinin xarici işlər naziri Riyad əl-Maliki yanvar ayında komitənin ilk dəfə işğal edilmiş torpaqlarda irqçi hərəkətlər barədə Fələstinin İsrailə qarşı şikayətini müzakirə etməyi qəbul etdiyini demişdi.