Əhli-Beytdən olan, 12 imamın altıncısı olan Cəfər Sadiq (ra), 5-ci imam Muhamməd Baqirin (ra) oğludur. 702-ci ildə Mədinədə dünyaya gəlmiş, 765-ci ildə yenə bu şəhərdə dünyasını dəyişmişdir. Böyük İslam alimlərindəndir.
Cəfər Sadiq (ra) həzrətləri buyurur:
Atam məni üç şeylə tərbiyə etdi.
1. Qafil və fasiq insanlarla dostluq edənlər qurtuluş yoluna çıxa bilməzlər.
2. Günah işlənən yerə girib-çıxanlar töhmət altında qalırlar.
3. Dilinə sahib olmayanlar peşman olar.
Yeganə qurtuluş yolu sadiqlərlə birlikdə ola bilməkdir. Çünki Allah-Taala buyurur:
“O kəslər ki, lağlağıdan (lüzumsuz şeylərdən, qadağan olunmuş əməllərdən) üz döndərərlər;” (Muminun-3)
