QARABAĞDAKI MƏSCİDLƏR TİKILƏNDƏN SONRA İMAMLAR TƏYİN OLUNACAQ

0

“İşğaldan azad olunan torpaqlarda insanlar məskunlaşdıqdan sonra məscidlər tikiləcək, bərpa olunacaq”.

Bunu Qafqaz Müsəlmanları İdarəsinin sədr müavini Fuad Nurullayev bildirib.  O qeyd edib ki, məscidlər bərpa olunduqdan sonra imamlar təyin olunacaq:

“Hansı yerlərdə məscid varsa, bərpa olunacaq, yoxdursa, yenisi tikiləcək. Bu ərazilərə əhali məskunlaşdıqdan sonra onlara dini xidmət üçün din xadimləri təyin olunacaq. Qanuna görə, məscidlərin hər birinin icması olmalıdır. İcma olduqdan sonra onların istəyi ilə həmin məscidə imam təyinatı olur. Məsciddə bir imam da ola bilər, iki imam da, hətta ehtiyac olsa, üç imam da. Bu, əhalinin sayına, şəraitə görə müəyyən olunur. İşğaldan azad olunan hər bir bölgənin imamı var, bu bölgələrin əhalisinin yaşadıqları yerlərdə xidmət göstərirdilər. Bu bölgələrə əhali köçdükdən sonra imamlar da o yerlərə gedərək xidmət edəcəklər. Yeni məscidlər tikilərsə, onlara da yeni imamlar təyin olunacaq.”.

 

apa

SOSİAL ŞƏBƏKƏLƏRDƏ Paylaş

Şərhlər bağlıdır.

Əvvəlki məqaləni oxuyun:
KƏBƏDƏ NAMAZ QILAN KİŞİNİN BAŞINA GÖYƏRÇİN QONDU – VİDEO

Səudiyyə Ərəbistanının Məkkə şəhərindəki Məscidi-Haramda qeyri-adi hadisə baş verib. Kəbənin ətrafında namaz qılınarkən namaz qılan kişinin başına göyəçin qonub. Namaz...

Bağla