Dünya Müsəlman Alimləri Birliyi Rusiyanın paytaxtı Moskvada törədilən terror aktını pisləyib və hücumun İslam dini ilə heç bir əlaqəsi olmadığını bəyan edib.
Dünya Müsəlman Alimlər Birliyinin baş katibi Əli Karadaği sosial media hesabından verdiyi açıqlamada Moskvadakı hücumu şiddətlə qınadıqlarını bildirib.
“Bu terror əməliyyatının İslamla heç bir əlaqəsi yoxdur. İslamı təmsil etdiklərini iddia etsələr də, İslamdan çox regional və beynəlxalq kəşfiyyat casuslarını təmsil edirlər”.
Hücumun İsrailin Qəzzaya hücumlarını gücləndirdiyi bir dövrə təsadüf etdiyinə diqqət çəkən Karadaqi, Moskvadakı hücumun sionistlərin Qəzzada törətdikləri cinayətlərə göz yummaq və diqqəti Qəzzəyə yönəltmək məqsədi daşıdığını bildirib.
Xatırladaq ki, ötən gün Rusiyanın paytaxtı Moskva şəhərindəki ticarət mərkəzlərinin birinin konsert zalında terror aktı törədilib. Terakt nəticəsində 82 nəfər ölüb və çox sayda insan yaralanıb.
KİV-lərin yaydığı məlumata görə, terakta göə məsuliyyəti İŞİD terror təşkilatı öz üzərinə götürüb.
