Qəzza zolağının mərkəzi və cənub rayonlarına İsrail Silahlı Qüvvələrinin endirdiyi zərbələr nəticəsində 20-dən çox insan həlak olub.
“Report” xəbər verir ki, bu barədə “Al-Jazeera” telekanalı tibbi mənbələrə istinadən məlumat yayıb.
“İsrailin aprelin 2-də Qəzza zolağının mərkəzi və cənub rayonlarına hücumları nəticəsində 21 nəfər həlak olub”, – telekanal bildirib.
Məlumata görə, Xan-Yunis və Rəfah şəhərlərindəki yaşayış evlərinə və qaçqın çadırlarına da zərbələr endirilib.
İsrailin müdafiə naziri İsrael Katz ordunun Qəzza zolağında əməliyyatlarının genişləndirildiyini qeyd edib.
