Ötən axşam Türkiydə işa azanından əvvəl ölkənin müxtəlif yerlərində yerləşən məscidlərin minarələrindən quraqlıqdan, yanğından, hər cür fəlakətdən qorunmaq üçün dualar oxunub. Bu çərçivədə “Hacı Bayram Vəli” məscidində azandan əvvəl dualar oxunub, namaz qılınıb.
Diyanət İşləri Başçısı Əli Ərbaş ötən gün sosial şəbəkədə bu sözləri paylaşıb:
“Bu axşam işa azanından əvvəl 90 min məscidimizin minarələrindən dualar ucalacaq. Gəlin hamımız məscidlərimizdə, evlərimizin eyvanlarında yanğından qorunmaq, quraqlıqdan xilas olmaq, dövlətimizi və millətimizi hər cür bəlalardan qorumaq, şəhidlər üçün edilən dualara hamımız birlikdə amin deyək, Allah qəbul etsin”.
