ƏRDOĞAN: “MÜDAFİƏMİZİ İSTƏDİYİMİZ KİMİ GÜCLƏNDİRƏ BİLƏRİK”

0

“Amerikalılar Türkiyəyə “Patriot” hava hücumundan müdafiə kompleksi satsaydı, Rusiyadan “S-400”ləri almağa məcbur olmazdıq”.

“TRT Haber” xəbər verir ki, bunu Türkiyə Prezidenti Rəcəb Tayyib Ərdoğan BMT Baş Assambeyasının 76-cı sessiyası çərçivəsində ABŞ-a səfəri zamanı “New York Times” qəzetinə müsahibəsində bildirib.

Türkiyə Prezidenti Rusiya müdafiə sistemini satın almaqla Qərbin, xüsusilə NATO-nun ayağının altını qazdıqları ilə bağlı tənqidi fikirləri və söhbətləri tamamilə təkzib edib.

Ərdoğan NATO-nun Baş katibi Yens Stoltenberqin, ABŞ-ın keçmiş Prezidenti Donald Trampın Türkiyənin silah tədarükçülərini seçmək haqqı olduğunu söylədiklərini xatırladıb: “Özümüzə lazım olan silahları satın alırıq”.

O, Türkiyənin “S-400”ləri almasının ABŞ-la problemlərin yaşanmasına dəyib-dəyməyəcəyi ilə bağlı sualı belə cavablandırıb: “Məncə, buna dəyərdi. Müdafiəmizi istədiyimiz kimi gücləndirə bilərik”.

Ərdoğan Türkiyə-ABŞ əlaqələrinin əsaslarını qoruduqlarına işarə edərək belə açıqlama verib: “Türkiyənin ABŞ-la uzun illərə dayanan bağlar var. Bunun qorunaraq güclənməsi lazımdır”.

Report

SOSİAL ŞƏBƏKƏLƏRDƏ Paylaş

Şərhlər bağlıdır.

Əvvəlki məqaləni oxuyun:
FRANSA HÖKUMƏTİ ÖLKƏDƏ ÇOX SAYDA MƏSCİDİ BAĞLADI

Fransada 2020-ci ilin noyabr ayında bəzi dini mərkəzlərdə başladılan yoxlama nəticəsində çox sayda məscidin fəaliyyəti dayandırılıb. Bu barədə Fransanın daxili...

Bağla