Bu gün edəcəyimiz yaxşılığın fəziləti də böyükdür. Necə dövlət ağır, çətin şəraitdə işləyənlərə bəzi güzəştlər ödəyirsə, bu günkü çətin şəraitdə yaxşılıq eləməyin, Allahın qullarının dərdinə dərmanolmağın da böyük mükafatı var. Bu gün bir virus səbəbilə bir çox qardaşımız çarəsiz və çıxılmaz vəziyyətdədir. Onlara edəcəyimiz xidmət, yaxşılıq bizim qəlbimizin səviyyəsini göstərir.
Hz. Peyğəmbər (SAV) buyurur: “Nəfsimi Qüdrət əlində saxlayan Allah and olsun ki, bir-birinizə mərhəmət etmədikcə cənnətə girə bilməzsiniz.”
Səhabələr dedilər ki, ya Rasulallah biz hamımız mərhəmətliyik.
Rəsulullah (SAV) buyurdu ki, Mənim dediyim bütün məxluqatı əhatə edən bir mərhəmətdir.
