Qarabağ və Şərqi Zəngəzur torpaqları hazırda əsl dirçəliş yaşayır.
“Report” xəbər verir ki, bu barədə Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” sosial şəbəkəsindəki hesabında paylaşım edib.
“Bu gün bizim diplomatik korpusla birlikdə Qarabağa 22-ci birgə səfərimizdir. Son altı ildə biz Qarabağın və Şərqi Zəngəzurun gözümüzün önündə baş verən möhtəşəm və nümunəvi dəyişikliklərin şahidi olmuşuq. Hazırda bu torpaqlar əsl dirçəliş dövrünü yaşayır. Hər səfərdə biz bərpa və inkişafda yeni nailiyyətləri, eləcə də bu torpaqlara həyatın qayıtdığını görürük”, – H.Hacıyev yazıb.
