Birləşmiş Millətlər Təşkilatının (BMT) baş katibi Antoniu Quterreş kovid-19 virusu ilə mübarizə çərçivəsində ilahi dinlərin liderlərinə müraciət edib. Bu barədə açıqlamanı BMT-nin ictimaiyyətlə əlaqələr şöbəsi yayıb. Məlumata görə Quterreş yəhudilərin və xristianların pasxa, müsəlmanların isə yaxınlaşmaqda olan ramazan ayını təbrik edib.
“Bu gün sizə xüsusi olaraq müraciət etmək istəyirəm. Bu günlərdə çox qəribə, fərqli və fövqəladə zamanda yaşayırıq. Küçələr səssiz, mağazalar bağlı, məbədlər boşdur. Əməkdaşlıq, həmrəylik və inancla bu virusu məğlub edə bilərik və edəcəyik. Bu müqəddəs günlərdə, başda pandemiya ilə mübarizə edən səhiyyə işçiləri olmaqla virusa qarşı müdafiəsiz olan qaçqınlara və digər insanlara dua edin.” – deyə baş katib müraciətində qeyd edib.
