Hindistanda hakimiyyətdə olan “Hindistan Xalq Partiyadı”nın (BJP) millət vəkili Thakur Raja Singh saxlanılıb.
İslamveirfan.com “Anadolu” agentliyinə istinadən xəbər verir ki, buna millət vəklinin İslam peyğəmbəri Həzrəti Muhammədi ﷺ təhqir etməsi səbəb olub.
Məlumata görə, Telenqana əyalətinin Heydərabad şəhərində saxlanılan millət vəkili, Həzrəti Muhammədi ﷺ təhqir edən videolar hazırlayıb və onları yayıb. Onun bu hərəkəti bölgədə etirazla qarşılanıb və müsəlmanlar müxtəlif vaxtlarda Singhə qarşı aksiyalar keçiriblər.
Hüquq-mühafizə orqanları Thakur Raja Singhin məhkəmə prosesi barədə ictimaiyyətə daha sonra ətraflı məlumat veriləcəyini açıqlayıblar.