İraqın Kərkük şəhərində dərzilik edən İbrahim Gədikağa, Muhamməd adlı müştərilərindən pul almır.
Şəhərdə 50 ildir dərzilik edən 64 yaşlı Gədikağa, artıq 15 ildir Muhamməd adlı müştərilə pulsuz xidmət etdiyini bildirib.
“Son 15 ildir Həzrəti Muhammədin ﷺ adını daşıyan bütün müştərilərimə pulsuz dərzilik xidməti göstərirəm. hərəti Muhammədin ﷺ adının yaşadılması üçün belə bir addım atıram. Uşaq, böyük fərqi qoymadan bu xidməti bütün Muhammədlərə göstərirəm.” – deyə dərzi qeyd edib.
Bu xidmətinə müqabil olaraq sadəcə müştərilərindən salavat gətirmələrini istəyən İbrahim Gədikağa, bir övladının və iki nəvəsinin adının Muhamməd olduğunu deyib.
