Suriyanın Azez bölgəsində PKK/PYD terrorçuları Türkiyə polisinə hücum edib. Bu barədə Türkiyənin Daxili İşlər Nazirliyi məlumat yayıb.
Məlumata görə, hadisə “Fərat qalxanı” əməliyyat zonasında baş verib. Belə ki, Türkiyənin zirehli polis maşını terrorçular tərəfindən vurulub. Post-patrul xidməti aparan polis əməkdaşlarına hücum zamanı 2 asayiş keşikçisi şəhid olub, daha 2 nəfər yaralanıb. Yaralılar xəstəxanaya yerləşdirilib, onlardan birinin vəziyyəti ağırdır.