Əhalisinin 35%-nin müsəlman olduğu Afrika ölkəsi Tanzaniyada möhtəşəm Qurani-Kərim müsabiqəsi keçirilib. Hər il ənənəvi olaraq keçirilən müsabiqə paytaxt Darussalamda yerləşən “Benyamin” milli stadionunda baş tutub.
“Əl-Hikmə” təhsil fondunun təşkilatçılığı ilə keçirilən müsabiqədə 10 minlərlə insan tamaşaçı qismində iştirak edib.
Müsabiqədə həmçinin Tanzaniyanın baş naziri Kassim Majaliwa və Zanzibarın dövlət başçısı Hüseyn Mwinyi də iştirak edib.
21 Afrika ölkəsinin iştirak etdiyi müsabiqənin qalibləri Nicer, Sudan, Niceriya, Tanzaniya və Fildişi Sahili təmsilçiləri olub.
