Türk xəttatlıq sənətinin qurucusu və önəmli simalarından olan Şeyx Həmidullahın müəllimi Xeyrəddin Maraşinin yazdığı Qurani-Kərim ötən həftə Amerikanın Dallas şəhərindəki bir muzeydə aşkarlanıb. Bu barədə tarixçi Murad Bardaqçı “Habertürk” qəzetində yazdığı köşə yazısında məlumat verib. Bardaqçı bu əsərin, xəttatlıq tarixini dəyişdirəcək qədər böyük əhəmiyyət kəsb etdiyini bildirib.
Murad Bardaqçı bu Qurani-Kərimin 572 ildir ortadan yox olduğunu, mövcudluğu bilinsə də çox az insanın bu əsəri gördüyünü, aşkarlanmasının isə uzun bir hekayəsi olduğunu yazıb.