Şimali Suriyada “Zeytun budağı” bölgəsində antiterror əməliyyatında iştirak edən Türkiyə hərbçisi terrorçuların hücumu nəticəsində şəhid olub.
Bu barədə Türkiyə Milli Müdafiə Nazirliyi məlumat yayıb. Məlumatda bildirilir ki, leytenant Taha Bahadır terrorçuların raket hücumu nəticəsində ağır yaralanıb. Yaralı xəstəxanaya çatdırılsa da onun həyatını xilas etmək mümkün olmayıb.
Nazirlik həmçinin, hücumdan sonra pozisiyası müəyyən edilən terrorçuların intensiv atəşə tutulduğunu, ilk məlumata görə 24 terrorçunun məhv edildiyini qeyd edib.
