İTALİYADA “G20 VIII DİNLƏRARASI FORMU” ÖZ İŞİNƏ BAŞLAYIB

0

İtaliyanın G20-yə sədrliyi çərçivəsində Bolonya şəhərində “G20 VIII Dinlərarası Forum”un açılış mərasimi keçirilib. Forumda ölkəmizi Azərbaycanın dini konfessiya rəhbərlərinin təmsil olunduğu nümayəndə heyətinin rəhbəri qismində Qafqaz Müsəlmanları İdarəsinin (QMİ) sədri şeyxülislam Allahşükür Paşazadə və mədəniyyət naziri Anar Kərimov təmsil edirlər.

“Mədəniyyətlər arasında sülh, dinlər arasında anlaşma” şüarı ilə keçirilən forumda dünyanın müxtəlif ölkələrinin dövlət və hökumət başçıları, dini liderlər, xarici işlər, təhsil, mədəniyyət və dini işlər nazirləri, beynəlxalq təşkilatların rəhbərləri, görkəmli alim və ictimai xadimlər iştirak edirlər.

Açılış mərasimində İtaliya Respublikasının Prezidenti Sercio Mattarellanın forum iştirakçılarına ünvanladığı müraciəti oxunub.

Forum işini panel sessiyalarla davam etdirib.

Üç gün davam edəcək Dinlərarası Forumda COVID-19 və iqlim dəyişikliyi, qaçqın, məcburi köçkün və miqrantlara lazımi dəstəyin göstərilməsi, din və etiqad azadlığının, qadın və uşaq hüquqlarının qorunması, irqçilik, terrorizm, insan alveri, nifrət çağırışları ilə mübarizə və sair bu kimi müasir dünyaya qlobal təhlükə və təhdid yaradan problemlər müzakirə olunacaq.

Forumda Şeyxülislam Allahşükür Paşazadənin və mədəniyyət naziri Anar Kərimovun məruzə ilə çıxışları nəzərdə tutulub.

Qeyd edək ki, QMİ sədri İtaliyanın milli təşkilat komitəsi sədrinin dəvətinə əsasən sentyabrın 12-dən 14-dək Bolonya şəhərində səfərdədir.

SOSİAL ŞƏBƏKƏLƏRDƏ Paylaş

Şərhlər bağlıdır.

Əvvəlki məqaləni oxuyun:
FRANSADA İSLAMAFOBİYA PİK HƏDDƏ ÇATIB – MUHAMMƏD ADI…

Fransada 2022-ci ildə keçirilməsi planlaşdırılan president seçkisi üçün namizədlərdən birinin seçicilərə verdiyi vəd təəccüblə qarşılanıb. Prezidentliyə namizəd olması gözlənilən irqçi...

Bağla