Efiopiyada (Həbəşistan) daxili insidentlər nəticəsində dağıntılara məruz qalmış kral Nəcaşinin (ra) türbəsi bərpa ediləcək.
Bu barədə, “Efiopiya irsini araşdırma və mühafizə idarəsi”nin sədr müavini Abebav Ayalev dövlət telekanalına verdiyi açıqlamada bildirib. Ayalev tezliklə uçan yerlərin müəyyən ediləcəyini və bərpa olunacağını bildirib.
Qeyd edək ki, İslam tarixində əhəmiyyətli yeri olan və ilk mühacirlərdən olan 15 səhabənin də qəbrinin olduğu türbə komleksi TİKA tərəfindən bərpa edilərək 2018-ci ildə ziyarətçilərin üzünə açılmışdı.
