Son vaxtlar verdiyi bəyanatlarla diqqət mərkəzində olan Liviya müftisi Sadiq əl-Giryani ölkə xalqınamüraciət edib.
Müfti, Türkiyənin Liviyaya dəstək verən yeganə dövlət olduğunu deyərək ölkə xalqını düzü səhvdən ayırması məsələsində diqqətli olmağa səsləyib.
“Əhdə vəfa göstərməliyik. Türkiyə ölkəmizdə atdığı addımlara görə qərb dövlətləri və digər ölkələr tərəfindən hücuma məruz qalmaqdadır. Fransa, BƏƏ və Misir kimi ölkələr Türkiyənin liviyalılara dəstək verməsinə görə narahatdır. Bir region ölkəsi olaraq Türkiyəyə dəstək verilməlidir. Çünki Türkiyə liviyalılara dəstək verən yeganə dövlətdir. Liviya xalqı düzü səhvdən ayırmalıdır və bu istiqamətdə daha diqqətli olmalıdır.”- deyə Sadiq əl-Giryani bildirib.
