“SpaceX” şirkətinin “Falcon 9” raketinin dörd tonluq bir hissəsi avqustun 5-i səhər saatlarında Ayın səthi ilə toqquşacaq.
“Report” xəbər verir ki, bu barədə “The Guardian” qəzeti məlumat yayıb.
Söhbət 15 yanvar 2025-ci ildə “Firefly” şirkətinin “Blue Ghost-1” eniş modulunu və “ispace” şirkəti tərəfindən hazırlanmış Yaponiyanın “Resilience” aparatını Aya çıxaran raket parçasından gedir.
Mütəxəssislərin hesablamalarına görə, toqquşma Qrinviç vaxtı ilə saat 06:35 radələrində (Bakı vaxtı ilə 10:35-də) baş verəcək. Onun Yerin təbii peykinin səthinə təxminən 8 690 km/saat sürətlə çırpılması gözlənilir.
