Türkiyədə bütün məscidlərdə cümə namazından əvvəl Qüds üçün Qurani-Kərim tilavət ediləcək. Bu barədə Türkiyə “Diyanət” komitəsinin sədri Əli Erbaş məlumat verib. Erbaş bildirib ki, namazdan əvvəl Qüds üçün dua ediləcək.
“Bu çətin günlərində fələstinli qardaşlarımızın maddi dəstək kimi, mənəvi dəstəyə də ehtiyacları var. Cümə namazından əvvəl bütün məscidlərimizdə Qüds və bütün İslam bölgələrində dinclik və stabilliyin bərqərar olmağı üçün Quran oxunacaq və dua ediləcək. Qəbul et Allahım!” – deyə Əli Erbaş vurğulayıb.
Anadolu agentliyi