Türkiyənin xüsusi xidmət orqanı Milli İstihbarat Təşkilatının (MİT) Şimali İraqın Gara bölgəsində keçirdiyi əməliyyat nəticəsində “Doktor Rodi” kod adlı terrorçu Özcan Yıldız zərərsizləşdirilib.
Bu barədə Türkiyə mətbuatı xəbər paylaşıb. Məlumata görə, 1999-cu ildə PKK terror qruplaşmasına girən Yıldız uzun müddət qanlı teraktlarda iştirak edib. Xüsusilə 2012-ci ildə 8 hərbçinin şəhid olduğu Dağlıca hadisəsində iştirak edənlərin arasında olduğu üçün MİT tərəfindən axtarışda olub.
2013-cü ildə Şimali İraqa qaçan Özcan Yıldız Kandil, Zap, Avaşin və Sincar kimi bölgələrin məsul şəxsi kimi fəaliyyət göstərib. 2020-ci ildə isə terrorçuları müalicə etmək üçün Gara bölgəsinə göndərilib.
MİT tərəfindən müşahidə altına alınan Özcan Yıldız gerçəkləşdirilən dəqiq zərbə ilə zərərsizləşdirilib.
