Türkiyə Bitlis vilayətinin Tatvan rayonunda hərbi helikoter qəzaya uğrayıb. İslamveirfan.com yerli mətbuata istinadən xəbər verir ki, qəza nəticəsində yüksək rütbəli hərbçilərin olduğu 11 nəfər şəhid olub.
Məlumata görə ötə gün Türkiyə vaxtı ilə saat 13.55-də “Cougar” tipli hərbi helikopter Bingöldən Bitlisə getmək üçün havaya qalxıb. Təxminən saat 14.25-də helikopterlə əlaqə kəsilib.
Dərhal bölgədə PUA-larla axtarış işləri aparılıb və helikoterin qəzaya uğradığı məlum olub.
Qəza nəticəsində 9 nəfəri qəza yerində, 2 nəfəri xəstəxanada olmaqla 11 nəfər dünyasını dəyişərək şəhid olub. 2 nəfərin müalicəsi isə davam edir.
