Türkiyənin Milli Müdafiə Nazirliyi Azərbaycanın Vətən müharibəsində qazandığı zəfər münasibətilə bu gün Bakıda keçiriləcək Qələbə paradı ilə bağlı paylaşım edib.
Paradla bağlı hazırlanan videoçarx nazirliyin tvitter səhifəsində yerləşdirilib.
“Bir Vətən Hərəkatı”nın uğurla icra edən və Qarabağda böyük Zəfər əldə edən Azərbaycan türkü qardaşlarımızı təbrik edir, Bakıdakı paradda iştirak edəcək qəhrəman ordularımızın hərbçilərini qürurla salamlayırıq. 2 783 şəhidimizə Allahdan rəhmət diləyirik”, – paylaşımda qeyd olunub.
Videoçarxda Azərbaycan və Türkiyə ordularının birgə keçirdiyi təlimlərdən görüntülər, həmçinin Azərbaycan Ordusunun Vətən müharibəsində keçirdiyi əməliyyatların fraqmentləri və Qələbə paradının təlim kadrları əksini tapıb.
Tek Vatan Harekâtı’nı başarıyla icra eden ve Karabağ’da büyük bir zafer elde eden Azerbaycan Türkü kardeşlerimizi kutluyor, Bakü’deki törenlerde yürüyecek olan Kahraman Ordularımızın askerlerini gururla selamlıyoruz. 2783 şehidimize Allah’tan rahmet diliyoruz.🇹🇷🇦🇿 pic.twitter.com/lwPFYxJcjT
— T.C. Millî Savunma Bakanlığı (@tcsavunma) December 10, 2020
Report
